秋櫻屋 (Closed)

呢間平時門口都會好多人，但係今日門口好似好冷清咁，反而元氣壽司就大排長龍。 套餐加配，有沙律& drink (+35) , 粟米湯& drink (+30) 白酒煮蜆意粉 $88好淡口冇乜味道，蜆都係得三隻，意粉份量好少，亦都係好淡口， 蘆筍都冇乜味，整體黎講成碟都係好淡。雙併餐 $115雞扒煎得過咗火，有啲鞋，有雪藏味。 牛肉片幾好， 意粉同蛋一般。 銀盤盛宴 $158望落好似好豐富，但係啲食物都係普普通通啦! 其中嗰個芝士焗茄子比較好味。 咁多樣嘢以呢一個班戟最好食，上面嘅牛油有一啲提子乾，搽開佢加啲糖漿，班戟又軟熟唔錯。 要加糖先好飲嘅檸檬茶。訂單都有啲混亂，班戟追咗幾次先至嚟。