敏華冰廳 (新太陽廣場)

Open Now

Now Closed

由年頭開始，其實我哋都好少去出面食嘢，不過人始終要生活，間中都要出去買啲日用品。行到攰攰地總係想搵個地方食啲嘢、休息一陣。臨近年尾，特別多濕碎嘢要添置，為咗爭取時間，唯有匆匆忙忙喺附近搵間茶餐廳，食個下午茶餐再努力。我哋大概5:15入到餐廳，明白大家6:00都趕收工，所以我哋都第一時間落咗單先，我哋叫個個 #咖央多、#凍檸茶，再加杯 #咸檸七，食物陸續嚟到我哋面前，咸檸七都係很製成品，一定唔會有咩問題，但係份咖央多就認真麻麻，多士似一早整好，麵包硬骨骨，又唔凍唔熱咁好難食。加上幾個阿姐不停喺我哋側邊拖地抹枱，又唔停口咁提醒我哋餐廳好快就要閂門（當時5:40左右），咁趕客嘅態度，唔怪得知成間餐廳都得我哋兩個人幫襯啦😮‍💨下次真係咪搞我。