Mee...lemongrass (將軍澳中心) (Closed)

-將軍澳啲商場更新左咁多，但到底有咩好食呢？-今次我地黎到將軍澳中心食馬來西亞🇲🇾 Mix 泰國🇹🇭菜既餐廳食飯。-餐廳裝修雅致，富有現代風格，但不失馬來西亞特色同泰國風情。店員都十分友善，如果許可都可以俾你簡位坐，我地臨走想整商場泊車優惠，佢地都樂意協助。-食物方面，我地叫左馬來蜜汁炭燒厚切豬扒配喇沙，而麵底就簡左「滲滲」，即係油麵加米粉。呢款喇沙都尚算香濃，湯底顏色偏黃，帶有一層紅油，但唔算太辣。食得出有椰汁味、咖哩香同炸蒜味🧄，但就少左應有既蝦味，不過不失。-至於檬粉方面，配既主食同樣都係簡左馬來蜜汁炭燒厚切豬扒。檬粉上枱夠哂凍冰冰，夏天食一流！呢款豬扒應該係店內皇牌，見到好多人都有叫。叫得厚切豬扒，佢既厚度尚算合格。味道方面，豬扒香脆得黎有少少炭燒，配上玻璃蜜汁，真係勁吸引，連小朋友都岩食。但美中不足既係，炭燒味真係唔太突出。-P.S 黎到呢間餐廳既小朋友，臨走可以拎一件懷舊玩具返屋企嫁！Free of charge❤️!