Video
Read full review
2017-10-16
184 views
朋友請食升職飯，揀左呢間佢之前試左覺得好正嘅中菜餐廳請我試試。餐廳裝修同佈置都好典雅別緻，古典得黎又帶點現代感，睇到啲餐具就知，有碟、紅酒杯，又有中式茶壺同筷子，大廳仲有一大幅酒牆，添加氣派。朋友落左order之後，侍應立即送上茶水，為各人斟上。好快嘢食上枱啦！首先係個冷盤，花雕醉乳鴿（$180）。平時食花雕雞就食得多，花雕醉乳鴿真係第一次食！乳鴿較雞肉嫩滑，而且都好多肉架！滿滿花雕香味，出色！跟住係懷舊八寶鴨（$580）。八寶鴨大大隻漲卜卜，入面塞滿各種材料，包括元貝、咸蛋黃、蓮子、栗子、金華火腿等，各種材料煮得軟淋入味，與鴨肉、鴨油的香氣融為一體，色香味佳全！再黎多個清湯蘿蔔和牛（$360）。呢味似係高級靚料版清湯腩，蘿蔔軟淋入味無渣，牛腩一啲都唔韌，充滿牛味，湯清澈透明，但味道非常濃郁！最後黎返個欖菜肉碎炒飯（$180），飯炒得乾身粒粒分明，欖菜同肉碎份量幾乎同飯粒一樣多，非常足料，整個炒飯非常出色！最後要讚讚呢度啲服務，真係好殷勤好貼心，適時會幫你加茶、換碟，仲會用心介紹menu同嘢食👍🏻
餐廳裝修同佈置都好典雅別緻，古典得黎又帶點現代感，睇到啲餐具就知，有碟、紅酒杯，又有中式茶壺同筷子，大廳仲有一大幅酒牆，添加氣派。
朋友落左order之後，侍應立即送上茶水，為各人斟上。
好快嘢食上枱啦！
首先係個冷盤，花雕醉乳鴿（$180）。平時食花雕雞就食得多，花雕醉乳鴿真係第一次食！乳鴿較雞肉嫩滑，而且都好多肉架！滿滿花雕香味，出色！
跟住係懷舊八寶鴨（$580）。八寶鴨大大隻漲卜卜，入面塞滿各種材料，包括元貝、咸蛋黃、蓮子、栗子、金華火腿等，各種材料煮得軟淋入味，與鴨肉、鴨油的香氣融為一體，色香味佳全！
再黎多個清湯蘿蔔和牛（$360）。呢味似係高級靚料版清湯腩，蘿蔔軟淋入味無渣，牛腩一啲都唔韌，充滿牛味，湯清澈透明，但味道非常濃郁！
最後黎返個欖菜肉碎炒飯（$180），飯炒得乾身粒粒分明，欖菜同肉碎份量幾乎同飯粒一樣多，非常足料，整個炒飯非常出色！
最後要讚讚呢度啲服務，真係好殷勤好貼心，適時會幫你加茶、換碟，仲會用心介紹menu同嘢食👍🏻
Post
