Video
Read full review
2020-12-28
1553 views
藥膳刀削麵, 中環🍜我知道香港一向都無比TIPS比外賣員既習慣，但有時留意下係街上面其實有好多老一輩既負責送餐，特別係非FOODPANDA或者DELIVEROO既外賣員，所以希望大家如果叫開外賣都習慣比10-15% TIPS 。 唔好吝嗇個幾廿蚊，當一份心意同正能量比送餐既朋友。.好！講返呢間藥膳刀削麵。首先 ， 佢地既口水雞係十級推介，係中環以呢個價錢，雞既份量真係好多！基本上我D女同事係食唔哂D雞。湯底亦係重點，所有湯底都係藥膳湯底 ，而且標榜無落任何味精。套餐附送既現磨豆漿係超級好飲，強烈推介大家要加3蚊轉紅棗桂圓豆漿。真係絕對唔係其他普通樽裝或紙包既豆漿既味道，幫襯左幾次之後我忍唔住要WHATSAPP同佢地講我有幾鍾意佢地既豆漿。好味程度係：高峰時候，我一個星期會叫足呢間四日外賣。.呢晚我叫左大概六人份量既食物，都只係四百幾蚊，仲要有得免費送餐(可能因為佢地鋪頭同我公司唔算遠)，老闆同員工既態度都好好，性價比超級高。希望大家特別係中上環返工既朋友都去幫襯下佢地。提一提，呢間我未試過堂食，但有次係外賣自取，見到門面唔算大，堂食可能會比較迫。-套餐可選擇(飯、刀削麵，拉麵，米粉，米
我知道香港一向都無比TIPS比外賣員既習慣，但有時留意下係街上面其實有好多老一輩既負責送餐，特別係非FOODPANDA或者DELIVEROO既外賣員，所以希望大家如果叫開外賣都習慣比10-15% TIPS 。 唔好吝嗇個幾廿蚊，當一份心意同正能量比送餐既朋友。
.
好！講返呢間藥膳刀削麵。首先 ， 佢地既口水雞係十級推介，係中環以呢個價錢，雞既份量真係好多！基本上我D女同事係食唔哂D雞。湯底亦係重點，所有湯底都係藥膳湯底 ，而且標榜無落任何味精。套餐附送既現磨豆漿係超級好飲，強烈推介大家要加3蚊轉紅棗桂圓豆漿。真係絕對唔係其他普通樽裝或紙包既豆漿既味道，幫襯左幾次之後我忍唔住要WHATSAPP同佢地講我有幾鍾意佢地既豆漿。好味程度係：高峰時候，我一個星期會叫足呢間四日外賣。
.
呢晚我叫左大概六人份量既食物，都只係四百幾蚊，仲要有得免費送餐(可能因為佢地鋪頭同我公司唔算遠)，老闆同員工既態度都好好，性價比超級高。希望大家特別係中上環返工既朋友都去幫襯下佢地。提一提，呢間我未試過堂食，但有次係外賣自取，見到門面唔算大，堂食可能會比較迫。
-
套餐可選擇(飯、刀削麵，拉麵，米粉，米線 )送現磨豆漿一杯
口水雞刀削麵🐓 (包現磨豆漿) $45
醉雞刀削麵🐓(包現磨豆漿) $45
豬軟骨刀削麵🐖 (包現磨豆漿) $45
紅油抄手(6粒) (包現磨豆漿) $32
炸咖喱雞翼(兩隻) $10
涼拌青瓜 $8
-
📍中環鐵行里4號地舖
🌟Rating: 9/10
💰Price: $50-60 pp
Post
