Lockeroom Dining (朗晴坊) (Closed)

球迷必到！去開餐仲可以睇波衫😂老公話喺呢個氛圍之下食嘢特別好味喎🤓通常我哋都會叫幾款小食開開位，今次叫咗脆炸法國雜舊菇、鹹蛋黃雞翼同埋法國鵝肝香蒜麵包🥯。雞翼一如過往有水準，最鍾意鹹香嘅鹹蛋醬包滿晒成隻大雞翼，一咬開仲勁多汁，好滋味呀！炸菇亦都有驚喜，感覺有啲似細個食嘅炸番薯口感，哇！咬開脆卜卜的外層噴發菇味！仲有唔使多講鵝肝一定係正！夠香夠軟綿綿配多士無得輸！主菜叫咗芝士忌廉番茄醬燴美國黃油雞脾扒同埋香烤美國1855牛肋排蜜糖燒汁，黃油雞髀啖啖肉，配埋酸甜嘅茄醬食落果然特別開胃！原來牛肋排即係牛仔骨😂足三塊大大份，啱晒我呢啲食肉怪獸啦😆點埋醬汁特別嘢味！