azito (Closed)

😸低溫慢煮雞扒忌廉扁意粉第一次食雞扒係用低溫慢煮嘅方法，原來都係會好好味嘅，雞扒熟得啱啱好，雞肉超級嫩，完全唔會鞋口，雞皮雖然唔會好脆，但係都好香，意粉真係好重忌廉味，成碟都好好食。😽自家製白咖喱吉列猪扒飯呢個自家製嘅白咖喱真係唔同啲，啲白咖喱汁好香，唔會太辣，反而好啱香港人嘅口味，有啲奶香，幾滑身，吉列豬扒就炸得好脆，但豬肉仍然好嫩好有肉汁，超級好食呀！同埋啲飯係日本珍珠米黎，好軟熟好好食，啲咖哩汁撈飯真係一絕呀。依度嘅拿鐵都好好飲，奶同咖啡都搭配得啱啱好，超好飲。