Video
Read full review
2012-11-05
1178 views
聽講【蘇三茶室】老闆，曾經喺飲食男女做，即係由一位寫食評嘅人，去開一間食肆，理論上應該無敵啦掛！理論上係咁，但實際又係點？最好就去試試！事先訂咗隻低溫焗柑桔酒雞同海鮮煲，其他就即場Order，前菜係煙燻豬手沙律，朋友話豬手咁肥！跟住講咗一輪膽固醇如何健康嘅論文，好似嚴浩上身咁，幾乎要現場表演食亞麻子咁滯！點知碟煙燻豬手沙律一嚟到，佢就放晒心，而我就冇晒心機……得果三四片燻蹄狀嘅物體鋪喺菜上面，喺我樓下叫碟燻蹄飯，起碼多佢一倍，而值錢亦都平佢一倍！跟住嚟香草焗魷魚，韌！唔香！海鮮汁煮蜆，細隻！唔滑！咖哩牛肉餅，乾！清真牛肉餅比佢好食一倍！海鮮煲，賣相似廚餘，味道亦一般！最後嚟隻雞，最似樣就係呢個，嫩滑得嚟又有陣陣香味！食完之後得出一個結論，食評人開食肆，同影評人拍戲一樣，都未必信得過！
聽講【蘇三茶室】老闆，曾經喺飲食男女做，
即係由一位寫食評嘅人，去開一間食肆，
理論上應該無敵啦掛！
理論上係咁，
但實際又係點？
最好就去試試！
事先訂咗隻低溫焗柑桔酒雞同海鮮煲，
其他就即場Order，
前菜係煙燻豬手沙律，
朋友話豬手咁肥！
跟住講咗一輪膽固醇如何健康嘅論文，
好似嚴浩上身咁，
幾乎要現場表演食亞麻子咁滯！
點知碟煙燻豬手沙律一嚟到，
佢就放晒心，而我就冇晒心機……
得果三四片燻蹄狀嘅物體鋪喺菜上面，
喺我樓下叫碟燻蹄飯，
起碼多佢一倍，而值錢亦都平佢一倍！
跟住嚟香草焗魷魚，
韌！唔香！
海鮮汁煮蜆，
細隻！唔滑！
咖哩牛肉餅，
乾！
清真牛肉餅比佢好食一倍！
海鮮煲，
賣相似廚餘，味道亦一般！
最後嚟隻雞，
最似樣就係呢個，
嫩滑得嚟又有陣陣香味！
食完之後得出一個結論，
食評人開食肆，
同影評人拍戲一樣，
都未必信得過！
Post
