樓下冰室

Open Now

Now Closed

蕃茄濃湯通心粉有好濃嘅蕃茄湯底，唔係水汪汪嗰種，味道酸酸甜甜，令人胃口大開！通粉冇紋，但又唔係快熟嗰啲咁林，反而口感就硬啲，食開林身嘅通粉可能會嫌呢度嘅太硬！另外，以為炒蛋另上，點知擺埋一齊喺碗度，但可能即炒同放喺面嘅關係，啲蛋仍然好滑！配埋個瑞士汁雞髀，出哂煙咁上，肉質好滑，啲肉好易就撕開，睇得出煮到隻雞髀好林。食落甜甜地嘅瑞士汁，雞肉都吸哂醬汁嘅味！另外，我自己就叫左黑椒汁牛扒煎雙蛋飯，味道正正常常！汁多所以好好送飯，牛扒亦好大塊。如果隻煎蛋可以煎返生啲，流汁嘅話就仲好！綠豆椰汁冰同紅豆冰，綠椰冰嘅綠豆比紅豆煮得林啲，兩杯嘅豆都好足料，都有接近半杯！整體呢間冰室都食得過！