樓下冰室 (Closed)

今日聽到朋友介紹，就決定去左樓下冰室食晚餐。仲以為係茶餐廳，入到去間餐廳既裝修都幾特別，好新同好乾淨，最重要係冷氣夠凍，好舒適。睇到餐牌，好多野食呀。叫左佢個金牌咖喱牛腩飯黎食。一上菜，好大碟，岩曬我食。大大碟既飯同成碗都係肉既咖喱牛腩。好豐富呀。咖喱好重八角味，牛腩好香同軟，溝埋咖喱既濃味，幾特別。之後叫左個瑞士雞腿，重點黎啦，朋友都介紹我一定要食。呢隻雞腿真係好大隻，一入口，好濃既瑞士汁同雞肉已經融為一體，好好味。雞肉既肉質香滑，唔會老，我諗應該係用慢火慢慢煮個雞腿，個雞肉先會咁入味，而且仲好滑。其實食完個雞腿已經好飽，因為雞腿都幾大隻，同埋個牛腩飯份量都好多。最後叫做個綠椰冰黎飲。好有夏天既感覺，椰汁入邊仲有好多綠豆蓉，好甜好好味，椰汁好香椰奶味，好有東南亞feel呀！而且跟餐飲只需要11蚊炸。今日真係食得超級飽，下次再黎試下其他野啦！