瑞士餐廳 (Closed)

餐廳位於天后電氣道, 門口擺放著一隻乳牛和瑞士標緻, 頗具心思。裝修以紅色為主調, 地方闊落舒適, 環境優雅。主打瑞士菜, 芝士火鍋也有多款選擇。瑞士芝士火鍋加配新薯芝士奶香幼滑 ，散發陣陣酒香。咸度適中, 酒精與芝士混和, 突顯層次感。 配以切細粒嘅法飽, 再加配新薯. 混和熱暖香滑嘅芝士, 口感豐富。菠菜鮮三文魚意粉菠菜新鮮, 煮得好爽脆, 鮮三文魚切粒, 幼嫩香滑, 芝士忌廉醬汁好幼滑, 掛滿爽滑彈牙嘅意粉, 吃得好滋味。 火焰雪山蛋白霜做成雪山嘅外形, 賣相吸引, 店員倒入酒精, 徐徐點火產生火焰效果。蛋白霜口感順滑, 加上酒香和清甜嘅什果内饀是冰凍嘅朱古力雪糕和雲呢嗱雪糕, 味道不太甜, 吃起來不會有甜膩感。