Bay's Kitchen & Bar (Closed)

之前朋友推介汀蘭居自助餐，最近做緊韓國海鮮自助餐，星期一至四$438， 星期五至日$488 ，荃灣及荃灣西有免費穿梭巴士接送， 餐廳環境清幽寬敞舒適，窗外有無敵海景和璀璨汀九橋夜色，景觀一流。餐廳員工態度熱情，滿面笑容。每位客人送一隻鮮味鮑魚， 鮑魚大隻肥美， 賣相吸引， 厚肉紮實， 入口爽口彈牙。生蠔來自美國及法國， 即叫即開， 新鮮肥美，充滿海水的味道 。青口、翡翠螺、凍蟹好鮮甜 。黑松露薯蓉嫩滑細緻， 好creamy ，黑松露味道突出。 原條比目魚 ，魚身雪白， 魚油豐富， 魚肉鮮甜滑溜。 燒牛肉， 肉質細膩無筋，充滿肉汁。 壽司和刺身， 款式多又新鮮。最喜歡老火中湯， 節瓜豬骨湯， 非常好味， 不含味精。 韓式泡菜燒蠔， 蠔身肥白滑溜， 鋪上泡菜， 別有一番風味。 自製牛肉石鍋飯、 韓牛燒骨， 肉汁甜甜地， 好有韓風風味 ，真心推介。飯後甜品有 movenpick雪糕，多款口味， 最喜歡士多啤梨口味， 每口都有鮮甜果肉， 十分滋味。macaron 鬆脆可口，即製窩夫， 充滿蛋香， 塗上牛油和蜂蜜， 啖啖窩心， 令人回味， 朱古力噴泉，係小朋友的至愛。