Video
Read full review
2022-05-02
79 views
🇫🇷Bistro Breton 📍西環德輔道西321號瑧璈地下3號舖 -----搭叮叮路經德輔道西嘅新樓瑧璈，眺望欣賞樓盤之際，發現樓盤地面開咗一間西餐廳，一襲落地玻璃清漆通透，望到餐廳內部裝潢精緻且非常寬敞，感覺用餐環境不錯，所以一到週末就急不及待過黎一試。一如從外而內地觀望，餐廳內部空間感十足，裡面仲有一個小酒窖🍾，擺滿多種法式紅酒🍷，供客人買走或於餐廳內飲用。🐙Octopus Carpaccio $138片片細薄如紙嘅章魚片，甚考刀功，切法巧妙地增加咗章魚同條脷嘅接觸面，令章魚更顯鮮味。一啖帶有黑加侖子香甜味嘅KIR BRETON🥂，一啖Octopus，開胃清新。✨ Tiger Prawns served with rice $158隻隻新鮮大蝦🦐浸泡於以檸檬蒜頭調配而成嘅辣油🌶️當中，爽彈非常，帶辣香卻不帶辣嗆，配搭乾爽白米飯🍚一碗，甚有中西合璧嘅感覺，調味簡簡單單不複雜，反而能夠將蝦嘅鮮味逼得更出。✨ French Seabass Meuniere $228輕煎過嘅Seabass🐟表面帶微微薄脆，內裡則魚質滑溜，撒上法式獨有嘅Beurre noisette醬汁，散發淡淡🍋檸檬清
📍西環德輔道西321號瑧璈地下3號舖
-----
搭叮叮路經德輔道西嘅新樓瑧璈，眺望欣賞樓盤之際，發現樓盤地面開咗一間西餐廳，一襲落地玻璃清漆通透，望到餐廳內部裝潢精緻且非常寬敞，感覺用餐環境不錯，所以一到週末就急不及待過黎一試。
一如從外而內地觀望，餐廳內部空間感十足，裡面仲有一個小酒窖🍾，擺滿多種法式紅酒🍷，供客人買走或於餐廳內飲用。
🐙Octopus Carpaccio $138
片片細薄如紙嘅章魚片，甚考刀功，切法巧妙地增加咗章魚同條脷嘅接觸面，令章魚更顯鮮味。一啖帶有黑加侖子香甜味嘅KIR BRETON🥂，一啖Octopus，開胃清新。
✨ Tiger Prawns served with rice $158
隻隻新鮮大蝦🦐浸泡於以檸檬蒜頭調配而成嘅辣油🌶️當中，爽彈非常，帶辣香卻不帶辣嗆，配搭乾爽白米飯🍚一碗，甚有中西合璧嘅感覺，調味簡簡單單不複雜，反而能夠將蝦嘅鮮味逼得更出。
✨ French Seabass Meuniere $228
輕煎過嘅Seabass🐟表面帶微微薄脆，內裡則魚質滑溜，撒上法式獨有嘅Beurre noisette醬汁，散發淡淡🍋檸檬清香，仲有牛油及堅果香氣，加上少許幫助提味清膩嘅綠色鹹酸豆，整體味道層次豐富多變，連帶鋪底嘅菠菜味道亦變得不平凡。
✨Profiteroles $98
✨ La Suzette $108
法餐又點少得甜品做收結。（Profiteroles）Puff pastry撒上海量朱古力醬🍫同少許杏仁片，再夾住一大球雲尼拿雪糕，味道可想而知，係絕對穩陣唔會唔好食，但若論特色度，就當然不及後者。
法式火焰薄餅（La Suzette）係法式甜點嘅經典之一。望住服務員將橙酒🍊撒於Pancake上，瞬間藍色火焰四起，火光令暗暗地嘅餐廳環境多了幾分浪漫及燦爛，空氣亦速瀰漫陣陣柳橙香氣，未食之前，視覺及嗅覺已先享受了一番。味道方面，食落帶獨特酒香，甜中帶酸，酸又帶少許橙皮甘苦味中和甜膩，質感柔軟濕潤，啖啖散發🍽法式魅力，為整餐帶來完美收結。
👶🏻B仔整體評價：8.1/10個👍🏻
👶🏻B仔抵食程度：7/10個👍🏻
👶🏻B仔服務評分：8.5/10個👍🏻
👶🏻B仔環境評分：8/10個👍🏻
👶🏻B仔味道評分：8.5/10個👍🏻
👶🏻B仔回頭機會：8.5/10個👍🏻
-----
#swallowhongkong
☺️快D跟住B仔一齊吞食香港啦！🤤
#swallowsaiyingpun
Post
