Chill Inn (Closed)

同女友不嬲都好小行九展既 因為之前都唔多野行 但近年呢到開始多返野行下玩下食下 所以就黎呢到搵下食啦xd女友見到呢間餐廳有個地方係毛孩營地 自然好興奮 拿拿林拉埋我入去食野 睇下人地既毛孩啦xd我地叫既野食唔多 但份量都ok 黑墨魚汁魷魚意粉有好香既蒜香味 意粉彈牙 魷魚煮得爽口入味 都幾足料 唔錯唔錯! 食完個嘴唇黑左xd德國豬手 唔係間間餐廳都做得好食既 但呢間就做得到 個豬皮炸得酥脆  豬肉咸香味足 食得出陣芥末味 good!!鮮薑梳打甜甜地配埋梳打水 十分清爽 清清口中既油利感 一流!士多啤梨香蕉奶昔好重香蕉味 但都帶出到清甜既士多啤梨味 十分香濃~芒果糯米飯第一次呢隻糯米飯 有驚喜 幾香椰汁味 芒果新鮮 作為甜品一流~愛狗人士可以帶埋毛孩黎試下 推薦大家可以黎試下~