五武士 (Closed)

呢間位於K11 musa既日本餐廳，位置幾隱蔽，要問好幾位商場職員先搵到既餐廳，但入面環境幾靚，特別趁天黑前有日頭既光欣賞下維港靚景。可惜窗邊位已一早被預約，早到都坐吾到。桂花蜜糖靜岡冷高糖蕃茄沙律 $108甜度達10度既日本溫室蕃茄，入口好甜，吾系死甜個種，再配埋沙律菜好開胃。三點刺身 $228三點刺身有深海池魚、金目鯛、帆立貝刺身各2件，金目鯛有火炙過魚皮部分，肉質較結實。西京燒銀雪魚 $268銀雪魚燒得好香，肉質一絲絲，不過份量較少，價錢比較貴。吉列西班牙豬扒 $198吉列豬扒炸至七成熟，比較少見。豬扒有一少層脂肪，令豬扒食落吾會太乾同鞋，表面炸得好脆。蛋花湯烏冬 $88第一次食蛋花湯作為湯底既烏冬，味道不錯，烏冬幾滑，成碗湯差唔多飲晒。