Castello 4 (Moved) New Location

若說男人啲浪漫是豆腐火腩飯，女人的浪漫就變化多端，要＂驚喜＂喎！身邊的女伴埋怨我無心思，今晚帶佢到這家環境一流、裝潢特別的新餐廳，同佢預祝生辰，應該合格啦！入門即見酒吧，正在餐廳中央，餐桌設在在旁。輕鬆飲杯cocktail，戶外有條走廊可以走出去傾下偈，之後，意大利菜晚餐就開始。Octopus salad因為三高中了一高，膽固醇高的八爪魚讓俾女伴，試吃少少，甚鮮甜，自己主力沙律，用上乘意大利陳醋調味無得輸，蔬菜新鮮便成功，酸甜開胃。牛骨洋蔥湯，係老火湯嚟，味道好濃，好香，值得讚。Pizza料主要是辣的沙美腸，芝士香草份量都多，餅皮好薄好脆，似食餅乾咁脆，雖然唔鐘意食芝士，但調味幾好，都食咗兩片。牛排先係我杯茶，Spanish Striploin 肉味好香濃，好有咬口，不同的享受。