唐人館 (海港城) (Closed)

本來開開心心陪屋企人去尖沙咀海港城想搵位飲茶，點知星期六太多人，搵唔到位，就黎左呢間新開既試下好唔好食，係門口見到鬼佬食飯，我諗呢度都算高級吧，點知我坐低一睇menu，價錢好離地，離地都唔緊要，我都比得起，但最緊要價錢同食物質素要吻合，比如160蚊既飯，我只係食得到80蚊既味道，即係點完之後，食物出黎既賣相，味道都真係好普通，好大眾化，食物樣樣好細，燒賣細，飯細，包又細，乜都細，總之冇任何特別驚喜，雪山叉燒包細過我去大陸食既阿駒私房菜，食物貴之餘，絕比不過八月軒 or 尖沙咀既鼎泰豐，唯一正面評價就係食物既溫度真係好熱，但味道同稻香差唔多啦⋯⋯唯一安慰既地方，係食物出黎至少未算攤凍，有d食物出黎都好熱，可惜呢種所謂高級既餐廳騙唔到我既味覺，只係可以呃到鬼佬以為好食，價錢好唔抵。侍應方面，我諗態度佢地都想做好既，我估佢地係無意得罪左我姐，佢地有三個小動作。第一，我入黎佢問我姓咩，我無奈我係即時黎排隊等食，你問我姓咩⋯⋯（佢意思我諗佢認為入得黎既都係得訂枱？好笑）第二，我地食飯唔夠飽，再點多個燒賣，佢地就問：（d食物黎齊未，出面好多人排緊隊），係度趕客走，可能我點太平太少了？！問題你連加單