玉蕾 (Closed)

我為食貓半夜瞓唔着，諗起尋日中午到紅磡海名軒嘅「玉蕾」飲茶十分回味，先同大家分享下玉蕾嘅裝修同景色先，大家覺得靚唔靚？侍應先來一壺靚香片，一面欣賞窗外維港靚景，一面品嘗兩碟餐前小吃，竹荀烤麩及醬油蘿蔔，由於太肚餓關係，碟蘿蔔忘記拍照已放咗入肚，兩碟小吃味道唔錯，蘿蔔加XO醬一同吃味道很配合！ 每次飲茶當然唔少得我至愛嘅蝦餃啦！蝦餃很大隻，一囗咬落去，鮮蝦味立即湧出，滿足我每一棵味蕾，一個字「正」！再來一籠賽螃蟹餃，味道同蝦餃差不多！蝦多士，用一塊麵包鋪上海苔、乾䓤、芝麻，再在麵包中夾入蝦膠後炸至金黃色，沒有油膩感覺，很鬆化，賣相一流！玉蕾——食完啲點心都唔係好夠喉，於是點咗一籠鱈魚瑤柱雪菜籠仔荷葉飯，啲飯係日本珍珠米，先將飯與雞蛋炒香，再放入籠仔鋪上鱈魚瑤柱日本雪菜用荷葉包住蒸，飯炒得很乾身，炒飯本身味道淸淡，食到啖啖蛋香，配埋瑤柱雪菜同食，味道剛剛好唔咸，鱈魚啖啖肉，很好味！玉蕾——最後梗係要食埋甜品啦！杏汁包熱辣辣，咬開類似菠蘿包外層裏面流出白色杏汁，杏汁唔太甜，不過略嫌杏仁香味不夠濃！