帝樂 - 德國餐廳 (美利樓) (Closed)

🤰🏻每次去赤柱都會by default咁去帝樂德國餐廳🇩🇪。佢可以話係成個赤柱環境最佳、景觀最靚、感覺最chill、性價比較高嘅餐廳。今日同老公行到熱熱地，決定去餐廳歇一歇、飲杯嘢食個下午茶。我哋揀咗室外座，成個海景映入眼簾，加上微風送爽，真係好chill。佢哋嘅咸豬手so far係我試過咁多間德國餐廳最好食嘅，皮脆肉嫩。不過今日我哋無叫，下午茶食咸豬手好似太heavy。我哋叫咗德國麵包圈配牛仔肝醬($35)、德國進口金牌豬肉脆皮腸配薯仔沙律及醃菜(～$138)同兩杯mocktails。我好鍾意食牛仔肝醬，好滑好香，搽麵包好正。老公唔鍾意任何內臟食品，太好了🤩！我可以獨食😎！麵包圈口感一流，外脆內煙韌，好有咬口，麵包味好香。脆皮腸其實有啲貴，因為佢得一條，雖然都好粗好大條。佢英文譯名聲稱係得獎🏆腸，唔知係咪真係咁好食呢？咦！真心正喎！雖然嚟到嘅時候有啲凍，不過佢肉汁豐富，外皮好脆，口感彈牙，豬肉味好香，好惹味，貴得都有道理嘅。薯仔沙律係我嘅最愛，酸酸地，好開胃，如果份量多少少🤏🏽就好了。Mocktails🍹就不過不失，叫啤酒🍻應該會正啲！