Where Buddha Bar

Open Now

Now Closed

初一同女朋友係尖沙咀睇完花車,想搵間靜靜地可以食下水煙既清bar🍻🍻 ,我地行左去赫德道同寶勒巷睇下, 雖然都見到有兩三間有水煙食既酒吧, 但環境都係麻麻同好嘈。之後上網搵左陣見到有間叫where 既酒吧有水煙有同睇相環境好似唔錯,所以上去試一試, 上到去個outdoor 都唔錯但係有啲大風❄❄, 好彩佢地都有暖爐開緊。坐低冇幾耐就已經有侍應 拎左chips 黎。我揀左杯class mojito, 我見佢地 mojito 都有幾隻唔同味好似幾特別咁, 而我女朋友就揀左杯叫TF 既cocktail。杯mojito 同外面既差唔多,係薄荷味比較重可能落得太多薄荷葉啦, 而杯TF 我女朋友好鍾意, 杯野好重士多啤梨🍓🍓味冇咩酒味幾岩女士飲。我地仲叫左枝蘋果薄荷味水煙, 蘋果味夠濃唔會話唔夠味, 但薄荷味好淡要改善下。埋單400蚊多啲, 都唔算太貴。