環亞機場貴賓室 (Closed)

見到呢個lounge搬左去新既樓層同做左大裝修之後都冇人update過，所以今次專登襯航班delay既空檔入黎參觀下！相信大家都知道如果攞住D乜乜信用咭又或者係銀行既乜乜理財客戶都可以免費入黎呢度。雖然係咁，可能因為係閒日既中午，所以人都唔算太多，非常之寧靜舒服！魚蛋粉︰絕對係必食之選。以「免費午餐」既質素黎講絕對係喜出望外，粉既質素雖然只係一般，但要讚既係潮州魚蛋真係夠晒彈牙，擺埋落咖喱魚蛋落去一齊食真係超正！Crepe︰一般般啦，都係果句，lounge既質素唔可以要求太高，口感一般叫做OK。攞隻碟埋去佢會俾個crepe你，其他好似cream呀、雜果呀朱古力醬果D全部DIY攪掂！其他小食︰特別要提既係D小食，雖然自家製蛋糕同D咖喱角認真麻麻，但要提吓佢既葡撻真係唔錯，因為係「晒燈」既關係，就算食得出一早整定晒都重有D微暖既感覺！至於魚肉燒賣呢…我會覺得街邊同埋便利店果D重好食！是關呢度淨係提供豉油，冇提供辣椒油，所以食落去真係差咁D！總括黎講，如果對食物冇乜要求，只係想喺上機前鬆一鬆，搵個經濟得黎又坐得舒適既地方，呢度絕對係不二之選。食物總類方面，呢度更加比同一個集團喺機場另外一面個