渝味曉宇重慶老火鍋 (聚賢逸居) (Closed)

今日同男朋友食晏先去再拍拖，最後決定去食重慶 Openrice見到呢間渝味曉宇，因為見午市底免費好抵就入左去。一開門就聞到好香麻辣味，就咁望個個叫鴛鴦鍋底中必有一款喺重慶麻辣鍋（大骨滋補鴛鴦鍋），食火鍋不外乎都係食下菇，食下菜，綠下肥牛食。一坐低，就好勤快咁倒茶比我地，仲有餐前紅棗雪耳。大骨湯足料，就咁飲會咸左少少，不過食火鍋既話就同Ｄ野食好夾。火鍋既配料同我地平時食開既有少少唔同，呢度好乾淨，而且有圍裙提供，唔怕整污糟件衫。而且檯有教Ｄ野食綠幾耐係最好，都細心。個湯底要麻有麻，要辣有辣，第一次食既可以叫鴛鴦鍋，因為都真係幾辣。