Glasshouse (國際金融中心) (Closed)

見天氣不錯，去IFC既Glasshouse Tea下!! 因為透過OpenRice book位有附送下午茶時段8折優優，不過呢個優惠就適用係我地點既HighTea set度，只限其他單點食物/飲品。我地3個人就點左個HighTea set，點左2杯檸檬茶因為特飲唔可以另補差額加。所以另點左杯荔枝玫瑰冰茶、雲霧芒果 特飲，雲霧芒果我幾鍾意，唔會係假味既芒果。食物單點左個龍蝦包配薯條，蜜糖單骨雞翼，HighTea set睇上去唔錯，但有幾款咸點味道都比較奇怪同埋都有細版既龍蝦包(重複左🙈)。甜點就麻麻地，最簡單嘅藍莓芝士蛋糕好淋，馬卡龍都可以，2杯慕絲都真係麻麻仲有少少藥水味。蜜糖單骨雞翼同個龍蝦包配薯條相比之下就唔錯，整體環境係舒服的。