富

Open Now

Now Closed

其實係前一個星期路過大館參觀時見到場內有推廣牌寫咗有GUERLAIN x MADAME FÙ 盛夏芬芳甜蜜下午茶，諗起同朋友book唔到酒店tea，就不如試下呢個。上openrice book枱的，餐廳收到booking亦會email confirm reservation,唔錯。環境裝修其實唔錯，接待帶位都好好，經過outdoor長走廊去到indoor有個小卡位咁，梳化坐得舒服。冷氣充足舒適。裝修保留咗大館英式建築，其實幾好氣氛。唯一唔好係坐滿時人多傾計太嘈，可能牆磚唔吸音，聲音回音好大，比較難傾計。食物都幾精緻如圖，係唯獨是scone 比較硬身，但玫瑰果醬好好味，本人喜愛。另外一提係，其中一位待應比較燥底，點餐時好似去咗茶記咁粗聲粗氣，客人詢問餐茶時好似好睇唔起人咁大聲講話「如果要特飲要加錢個喎」，拎水比我地嗰陣好大聲咁「啪」落張枱度，先唔講係咪招呼食afternoon tea既人，我覺得就算係作為一間國際化fine dining 既餐廳待應應該要比較gentle ，希望待應G會留意一下，thanks。