Video
Read full review
2017-05-05
7978 views
一直覺得韓國野唔啱自己食，但好好笑地，年頭去完韓國旅行番黎之後，幾乎係愛上韓國菜嘅程度。講到尖沙咀嘅韓國餐廳，唔知係咪好多人都會講起金巴利道，我地食過幾間，就覺得唔係特別出色。趁住佛誕假期，去到尖沙咀，隨便搵左間韓國菜試下。金饍韓國料理位於北京道1號，睇地址以為價錢唔平啦，哈哈，我食午飯啫，睇左幾篇食評後見有午市套餐，又唔算話太貴太貴，都可以一試。餐廳位置大，空間感足，環境闊落，即使係二人，都坐得相當舒適。午市供應超過20款韓式料理，有鐵板雞肉、辣豆腐湯、餃子湯麵、石頭飯、炸醬麵、人蔘竹絲雞等，定價$68-$130。套餐數量以入座人數計算，餐數不足，每位最低消費$20。所有套餐都會送三款配菜，但飲品需要另外加錢。枱上已經放左水，客人自助。配菜前菜都係普通，不過睇落有啲乾，特別係泡菜，唔夠濕潤，好似已經放左好耐，雖然係附送嘅，就欠少少誠意。烤牛肉飯 $75可能已經係下午茶時間，客人唔算多，上菜速度好快。烤牛肉飯比較一般啦，牛肉都係普通貨色，食落會有少少鞋、韌，而且比較大塊整體感覺亦都唔係太韓式，類係沙茶醬炒過咁。可取之處只係用鐵板上夠熱辣辣、飯夠大碗。金饍辣豆腐煲 (牛肉) $70喺韓國
講到尖沙咀嘅韓國餐廳，唔知係咪好多人都會講起金巴利道，我地食過幾間，就覺得唔係特別出色。
趁住佛誕假期，去到尖沙咀，隨便搵左間韓國菜試下。
金饍韓國料理位於北京道1號，睇地址以為價錢唔平啦，哈哈，我食午飯啫，睇左幾篇食評後見有午市套餐，又唔算話太貴太貴，都可以一試。
餐廳位置大，空間感足，環境闊落，即使係二人，都坐得相當舒適。
午市供應超過20款韓式料理，有鐵板雞肉、辣豆腐湯、餃子湯麵、石頭飯、炸醬麵、人蔘竹絲雞等，定價$68-$130。
套餐數量以入座人數計算，餐數不足，每位最低消費$20。
所有套餐都會送三款配菜，但飲品需要另外加錢。枱上已經放左水，客人自助。
配菜
前菜都係普通，不過睇落有啲乾，特別係泡菜，唔夠濕潤，好似已經放左好耐，雖然係附送嘅，就欠少少誠意。
烤牛肉飯 $75
可能已經係下午茶時間，客人唔算多，上菜速度好快。
烤牛肉飯比較一般啦，牛肉都係普通貨色，食落會有少少鞋、韌，而且比較大塊
整體感覺亦都唔係太韓式，類係沙茶醬炒過咁。可取之處只係用鐵板上夠熱辣辣、飯夠大碗。
金饍辣豆腐煲 (牛肉) $70
喺韓國無論平價定貴價嘅餐廳都食到呢味普通得黎又好味嘅料理，但喺香港一直都搵唔到好食嘅辣豆腐湯，一般都係太淡，有其色無其味。
一係就太鹹，又夠辣。
金饍嘅豆腐煲雖然話有牛肉，但屬於比較肉碎，所以肉味唔會好重，裡面隱約有幾粒蜆肉，冇沙，面頭仲有隻雞蛋，合格啦。
豆腐份量都非常多，而且夠滑，食過有啲豆腐湯用嘅豆腐，真係鞋到冇朋友。
要挑剔嘅就係豆腐太碎，但反正係用黎撈飯，都冇乜所謂。
食落味道夠濃，唔會淡到似落左好多水，亦都唔算太鹹，不過我真係覺得唔辣。寫明係辣嘅，我就覺得唔需要太過遷就口味，點嘅人suppose都知道係辣的。但整體黎講，都算係我食過比較滿意嘅辣豆腐湯。
蒸煮韓式餃子 $18/4隻
以午市優惠價追加，價錢就唔貴，味道都係普通。餃子皮就唔算好厚，但比較乾身，餡料都冇乜特別。
汽水、楊枝甘露 $12/杯
整體黎講，我覺得金饍嘅環境幾好，望住海景，服務都唔錯，店員收拾好快手，有唔少附近番工嘅人都喺度食飯。
不過味道就普普通通，咁我地食午餐，晚市食燒肉質素如何就唔知啦。
餐牌：
Post
