金鷺湖

Open Now

Now Closed

之前朋友介紹，原來大埔有間隱世餐廳。鳥語花香環境清幽。今日決定一試。一到步已經被佢嘅大自然氣息所吸引，小橋流水。再入到去中庭一個大花園。分別有中餐廳及西餐廳。我哋今日先試中餐 金鷺湖。用餐區剛剛對正湖邊，美麗嘅湖景盡收眼底。除咗食飯，還有水上活動及泛舟湖上。適合一家大細。餐廳內部裝修十分優雅，用上大量木器，以白色底色去襯托，同周圍環境互相合襯，令食客感到清幽舒暢，可以開懷暢食。我哋今次選左幾個點心。樣樣都充滿驚喜。味道一絕。金鷺湖蝦餃相信係必點，金碧輝煌的蝦餃未食先滿足眼福。再配以鮮蝦製作，口感彈牙爽口。雪山竹炭叉燒包，外脆內軟。新鮮整起熱辣辣，香噴噴。叉燒內餡味道十足。脆脆鮮蝦紅米腸是其中一樣驚喜之作。紅米腸粉外皮包住脆脆米卷再加上新鮮蝦仁，口感層次豐富，啖啖滿足。今餐最驚喜嘅係 流心鵪鶉蛋燒賣，係平凡既燒賣入面，包裹著一粒流心鵪鶉蛋，相當特別。絕對會為咗呢個點心再次光顧。最後再加一個金蒜椒鹽骨，肉質鮮嫩完全不鞋口，邊位也炸得香脆，配合金蒜椒鹽十分惹味，餸酒相當適合。用餐完畢后還可以親親大自然。令我們過了一個愉快的一天。