Video
Read full review
2019-07-31
234 views
夏日炎炎，出外活動預咗流汗， 可以落吓水又有得飲飲食食， 屋企人興致勃勃話入去西貢燒嘢食。將軍澳人入西貢近過去尖沙咀 ，不過當然唔想自己拎咁多嘢去， 最佳選擇就係自助燒烤場， 話行就行～ 諗起之前去過嘅西貢海灣燒烤場。啱啱落完驟雨，冇預期中咁熱， 喺西貢碼頭沿住海邊行十五分鐘左右就到。記得［山竹］之後来過， 大部分都係臨時帳篷。 今日去到煥然一新，重新裝修過， 有間好大嘅玻璃屋 落雨都唔怕， 唔落雨又可以打番開空氣都算流通。 地下鋪上人造草地， 仲有新簇簇嘅戶外木櫈， 打卡真係好似去咗外地， 好有度假feel～ 望住一望無際嘅海景 bbq特別心曠神怡～我哋揀咗近海邊嘅玻璃屋， 留意唔同區域有唔同嘅開爐費（$100至$200）， 玻璃屋有三層，可以逐層一路打開, 落雨都唔怕， 所有戶外嘅座位都設有帳篷。不遠處劃出一區作兒童設施，小朋友瀡滑梯， 大人燒烤，適合一家大細。燒烤爐可以調較高低， 要加炭可以去加炭區嗰度自取。 我哋自己帶咗個網晾住嚟燒， 懶人嘅燒烤～睇返啲食物， 各種基本燒烤食物醃得唔錯，又大塊， 牛扒有兩款不過覺得比較鹹， 豬扒唔錯，連骨嘅豬扒 更為美味。 雞翼有兩三款味道，
夏日炎炎，出外活動預咗流汗， 可以落吓水又有得飲飲食食， 屋企人興致勃勃話入去西貢燒嘢食。將軍澳人入西貢近過去尖沙咀 ，不過當然唔想自己拎咁多嘢去， 最佳選擇就係自助燒烤場， 話行就行～ 諗起之前去過嘅西貢海灣燒烤場。
啱啱落完驟雨，冇預期中咁熱， 喺西貢碼頭沿住海邊行十五分鐘左右就到。
記得［山竹］之後来過， 大部分都係臨時帳篷。 今日去到煥然一新，重新裝修過， 有間好大嘅玻璃屋 落雨都唔怕， 唔落雨又可以打番開空氣都算流通。 地下鋪上人造草地， 仲有新簇簇嘅戶外木櫈， 打卡真係好似去咗外地， 好有度假feel～ 望住一望無際嘅海景 bbq特別心曠神怡～
我哋揀咗近海邊嘅玻璃屋， 留意唔同區域有唔同嘅開爐費（$100至$200）， 玻璃屋有三層，可以逐層一路打開, 落雨都唔怕， 所有戶外嘅座位都設有帳篷。
不遠處劃出一區作兒童設施，小朋友瀡滑梯， 大人燒烤，適合一家大細。
燒烤爐可以調較高低， 要加炭可以去加炭區嗰度自取。 我哋自己帶咗個網晾住嚟燒， 懶人嘅燒烤～
睇返啲食物， 各種基本燒烤食物醃得唔錯，又大塊， 牛扒有兩款不過覺得比較鹹， 豬扒唔錯，連骨嘅豬扒 更為美味。 雞翼有兩三款味道， 雞全翼嗰款係辣辣地～ 金沙骨燒完唔會好韌又夠入味！
丸類，推介墨魚丸裏面有粒粒嘅墨魚仲有魚蛋都好爽口彈牙！
多春魚條條都好多魚春， 我哋用錫紙包住燒驚佢容易爛。 秋刀魚亦唔錯。 咖哩魷魚燒完仲好軟熟兼且有鮮味！
場內更提供其他海鮮(另收費)，仲有專人幫你燒，😋❤️ 燒龍蝦睇落非常美味！
調味料：芥辣,茄汁,豉油,蜜糖,蒜蓉牛油和牛油一應俱全！
不得不讚埸內嘅飲品都係任飲， 可樂雪碧橙汁蘋果汁，水， 都夠凍，非常
蔬菜類別唔算太多, 茄子，青椒，菠蘿粒同車厘茄。。 喜歡燒烤朋友多數都會帶自己喜愛嘅水果同蔬菜加料～
黃心蕃薯细細個唔需要煨太耐，劲香甜～
法包加上蒜蓉牛油燒👍👍 仲有厚多士 搽蜜糖一樣掂。
由黃昏燒到入夜， 日落時分出去沙灘踩吓水冇咁曬～ 玻璃屋嘅 燈光令海邊更為浪漫～～
不得不提裝修後洗手間管理得非常清潔， 開行冷氣地下鋪上全新地墊以防跣， 係我去過咁多燒烤場最企理嘅洗手間～
Post
