Giovanni Pina Ristorante, Bar & Pasticceria (Closed)

環境優美 食物高質 座位亦好坐 閨蜜談心好選擇～～～終於捱到星期四，返多一日就可以放假，雖然聽日仲要返工，但係個心已經急不及待想要去玩。今晚就約咗好閨蜜一齊過嚟北角附近食個靚靚餐廳💕，齊齊影下相。～～～見到佢哋有晚市一人餐，幾抵食，我哋就叫咗一個餐（餐湯、主菜、甜品、飲品）另外單點多個飯。～～～南瓜忌廉湯配香草麵包條Cream of Pumpkinserved with Rosemary Bread Stick🥣南瓜湯非常濃郁，好似將南瓜打成蓉咁，香香甜甜好開胃。～～～烤焗法國春雞配意大利紅酒汁Roasted Poussin with Italy Red Wine Gravy🐥雖然係春雞但係份量都幾多，幾大隻，雞肉質地非常嫩口滑溜，加埋香香甜甜帶有少許酒香嘅紅酒汁，仲有綿滑嘅番薯蓉，高質。～～～龍蝦意大利飯Lobster Risotto🦞龍蝦彈牙爽口，飯粒都浸滿龍蝦汁精華，咬內有口感之餘，又唔會太硬身，望落唔算好大但係食完都幾飽，好足料。～～～精選蛋糕Cake of the Day🍰食完主菜之後，就可以出去雪櫃到自己揀選甜品，餐廳話雪櫃所有嘅蛋糕都可以選擇，款式好多令人心情愉快。我哋最