美滋鍋 (家樂坊)

Open Now

Now Closed

同幾個女仔朋友特別鍾意嚟呢度打邊爐，除咗鍾意佢環境優雅、服務周到之外，特別欣賞佢嘅養生湯底，食完唔覺口乾，頭盤醬料區選擇豐富、乾淨企理。🔶鴛鴦湯底揀咗：🔸養生藥膳醉雞鍋$98醉雞湯底非常香，直頭可以當湯飲，仲跟左幾件熟雞件🔸滋補養生香辣鍋$88見到湯料已知足料，食落夠香夠麻但唔會涸喉🔶呢度嘅食物可以叫半份，啱晒鍾意多款嘅朋友，即使兩個人都揀咗好多款，店員上菜時會詳細介紹每道菜烹調時間，亦會定時幫你加湯同調整爐頭溫度👏🏻美國安格斯牛小排$139魚皮餃$29黑毛肚$39紅薯細粉$16脆炸午餐肉$29炸響鈴$29凍豆腐$19萵筍片$19黃金芋條$19蘋果荔枝凍茶$29竹蔗茅根 $25無限量添加醬料 $40🔶全部食材都非常新鮮，份量適中，響鈴同午餐肉係即炸，湯底靚點少少醬料調味，味道已經非常豐富。食完仲有柚子沙冰幫你消滯清一清味蕾，非常圓滿。💁🏻‍♀️餐廳仲設有兒童樂園同提供免費泊車優惠，座位非常舒適，一家大細嚟食都好適合。