泰斗 (中達大廈)

Open Now

Now Closed

泰斗位於尖沙咀海防道，係一間樓上既泰國菜餐廳，於鬧市中設有半露天座位，可以眺望到九龍公園既景色，環境同食物都令人恍如置身泰國一樣，忙裏偷閒，好寫意。🐮鹽燒牛舌串 $48肉質軟嫩juicy，沾上秘製醬汁，酸酸甜甜，好滋味👍🏻。🥬🐷生菜包 $138 新鮮清爽既生菜包裏住香濃惹味既肉碎，加上各式香料點綴，辣辣地，口感豐富又刺激味蕾，推介👍🏻。🐔泰式燒雞半隻 $168雞肉嫰滑鎖住肉汁，加入泰國香料醃製，又香又入味。沾上自家製酸辣醬汁，美味倍增。🦐泰式蝦肉炒金邊粉 $128金邊粉賣相幾靚，份量多而且炒得夠乾爽，食落酸酸甜甜，好開胃。蝦肉爽口彈牙。旁邊仲灑左花生碎，多層口感，食落更香口。🥝奇異果沙冰 $68勁大杯😳酸中帶甜，好清新。🥭芒果沙冰 $68芒果味清甜香濃，口感細滑，透心涼。