日日涮 (Closed)

🔎日日涮 (旺角)📍旺角彌敦道601號創興廣場6樓-晚市120分鐘日式火鍋放題 $148任食特級美國肥牛 加$30升級刺身任食 另送海鮮盛合刺身頭盤會由廚師精選 三文魚、油甘魚、甜蝦、北寄貝、帶子、赤貝、希靈魚、鮨片、立魚、吞拿、八爪魚、黃金魷魚 其中6款 之後可以再加單刺身盛合有大蜆、蟶子皇、帶子、龍蝦半隻、生蠔、海蝦、鮑魚、青口同埋大肉蟹半隻 海鮮類都真係幾新鮮 有別於一般火鍋店自助區的配料種類非常齊全 各種丸類 蔬菜類 粉麵 亦有冷盤 熟食區 仲有雀巢雪糕雪條 連飲品選擇都非常之多 足足有3個飲品櫃 如果唔飲甜野亦都有茶類提供湯底選了泡菜湯拼壽喜燒 加湯都係加返同款嘅湯 唔會溝淡個湯底最後每人都可以揀一杯Haagen Dazs或者MOVENPICK雪糕~ 相當滿足呀！總括黎講 環境唔錯 價錢合理 配料款式多 座位都幾闊落 約埋三五之己黎都唔錯。