翟道翟 Tuk Tuk (Closed)

今次選擇咗喺翟道翟食午餐，由於想搵個地方可以傾下計，坐耐啲😗地點比較格攝，但係環境好闊落，三個人晏晝冇咩人佢都比張六個人卡位我地，坐得好舒服，店員好好禮貌我哋去嘅時候啱啱好係午餐，我地揀左個乾炒牛肉寬河粉 同 鮮蝦炒金邊粉，餐飲佢送熱飲或者有得揀薏米水，我地揀咗凍熱泰式奶茶。泰式奶茶我係飲熱飲，選擇方面我揀咗濃，個感覺就係偏向重甜味，茶膽亦都唔夠香濃，似係一杯普通餐飲，整體嚟講唔會特別覺得好飲，亦都唔算難飲到唔飲。乾炒牛肉闊河粉賣相幾吸引，但係河粉炒得比較碎，但整體嚟講都係入味同埋好食鮮蝦炒金邊粉因為我預期係偏向辣嘅，但係食出嚟係偏向似用茄汁去炒，偏甜，唔係我預期嘅金邊粉。但係亦都唔排除有人鍾意呢個味道。只能夠話想食辣同埋有鑊氣嘅金邊粉就唔好揀依個。整體環境真係幾高分坐得好舒服，但係嘢食方面就唔算特別出眾。