火鍋英雄 (Closed)

今日天氣突然轉冷，得15度，打邊爐就啱晒。又來呢間個人好喜歡嘅火鍋英雄， 咁凍梗係要食個麻辣鍋暖一暖身。特別鍾意呢度係佢哋座位空間大，兩個人坐卡位，幾寬躺又要夠私隱， 坐得舒服。坐低就有八道前菜，但每一樣都絕不馬虎，個人最鍾意蓮藕，青瓜同埋腩肉今次揀咗重慶麻辣拼二十五年陳年花雕醉烏雞鍋，麻辣鍋可以揀大中小辣，先試下小辣，湯底更可以揀用牛油或者菜油，鍾意重口味嘅我就揀咗牛油，肥啲但係香啲。小辣的確唔係好辣，重點係辣味香濃，有點麻，越食越過癮。醉烏雞鍋好足料，有半隻烏雞，個湯好好飲，藥膳雞湯十分暖胃，我飲咗好多碗。美國極品肥牛（小） $208用料上乘，入口牛味香濃，油脂分布平均，肉質結實得來入口唔會韌，小份已夠2個人食。招牌四寶丸（ 12粒） $118個人最鍾意食蝦丸同埋墨魚丸， 食得出係自家手打，超級彈牙好好食。蒙古羊肉片$98冇乜騷味，唔錯，今天食羊肉啱晒酥炸響鈴 $48唔知係咪即叫即炸， 但係食落口勁脆又好香，正韭菜水餃（六件） $48出乎意料地好，餃子餡料好足料鴨血$45麻辣鍋必點，好滑口， 煲好耐都唔會一夾就散。四川紹粉 $28麻辣鍋必點，口感煙韌，吸晒啲湯味好入味。雜菜籃$58