Getaway (Closed)

Getaway係一家位於中環擺花街上的樓上餐廳。餐廳以渡假風格為主，入面嘅裝修係洞穴嘅style，而餐廳仲有戶外嘅位置，同樣都好chill。食物方面，我同朋友就選擇咗午餐套餐（包括飲品、沙拉和主菜）。前菜係泰式牛肉沙拉，牛肉肉質唔錯，加上酸辣嘅木瓜絲，好開胃！至於主菜方面，佢哋嘅秘製炸雞非常嫩滑，搭配沙爹醬一齊食，就更加出色。而西京燒比目魚配蕃茄意大利飯都非常唔錯，烤汁鮮美，條魚亦都好鮮嫩，配埋飯食就啱晒！估唔到中環樓上鋪都會有間咁高質峇里式餐廳，呢度真係好relax，就好似鬧市之中嘅綠洲。