八十里

Open Now

Now Closed

今日去試咗餐廳周推介的其中一間餐廳。🌱櫻桃鴨胸、糖醋小排骨、陳醋一口海蜇花陳醋一口海蜇花，外型似水母，爽口帶酸；糖醋小排骨，糖醋味道唔夠，排骨有啲鞋；櫻桃鴨胸，用櫻桃做咗外邊的啫喱，鴨胸軟滑帶少許羶味。🌱姬松茸燉雞湯湯料足而多，有姬松茸和瘦肉，但湯越飲越鹹。🌱招牌鮑參翅肚羮加$98轉配，我覺得唔值，翅份量少，而羮的味道又係太鹹。🌱滾石泡椒蝦球侍應會在你面前倒八泡椒汁，隨即吱吱喳喳，蝦隻大隻，口感爽口彈牙，但醬汁勁辣而且又係勁鹹，浪費咗隻蝦。🌱外灘獅子頭唔係手打的肉，口感乾而鞋身。🌱黑松露小籠包皮呈黑白兩隻色，皮都薄身，肉的口感少少鞋口。🌱黃金龍蝦酥加$88轉配，很適合打卡。龍蝦酥裏面係有一兩粒龍蝦肉，其餘都係白蘿蔔絲。外邊脆裏面就以白蘿蔔味為主。🌱鮑魚蔥油拌麵雖然廚師很細心剪開了拌麵，令我哋易啲食用。但拌麵乾又黏埋一舊，很難夾起，蔥油味道唔突出，鮑魚口感尚可。🌱椰汁燉蛋白小湯圓有椰汁香味，湯圓口感煙韌，底部有很滑的蛋白，整個甜品夠熱亦都唔太甜，唔錯。食物味道方面有待改善，環境寬敞有海景，亦有戶外地方供打卡，服務態度都幾好。