Bibi & Baba (Closed)

我在灣仔一帶都食過好多東南亞餐廳，Bibi & Baba絕對係其中一間值得推介嘅餐廳。雖然價錢小貴，但係食物同埋環境都好有質素。裝修以現代工業風作主調，大部份位都係吧枱，清楚睇到廚房入邊嘅一舉一動，確保食物衞生同埋新鮮程度😝今次我主要叫咗一份午餐、一個小食同埋一份甜品-1. Nasi Lemak星馬菜經典中嘅經典，外表唔係好討好，但係食落就停唔到口。當中辣味加埋鮮甜嘅醬汁，唔使雞髀就咁撈飯食都食得晒碗飯。未食過嘅朋友真係應該試吓。2. Ngor Hiang簡單來講係豬肉、馬蹄同蜜餞冬瓜腐皮卷。香脆可口。口感略嫌實左啲，如果可以多d馬蹄可能好食啲。3. Chendol沙冰椰奶上面加上綠色粉條，賣相都幾有特色，好有東南亞嘅感覺。椰香味好濃，消暑解渴一流。