Video
Read full review
2015-05-18
2309 views
因為好朋友就快生日, 所以我哋上星嚟到Okapi預祝食生日飯。小插曲: 話說我哋book咗7:00, 但由於我哋差不多夠鍾, 但都搵唔到餐廳所在地, 所以打去Okapi, 侍應小姐好友善教我哋點行, 第一印象已加分。到步後, 服務生安排我地坐側邊的梳化位, 位置好寬落! 餐廳內環境好歐陸風, 燈光柔和, 感覺好relax。由於當晚係平日晚上, 客人唔算多(8成左右), 所以唔會有好焗促、嘈吵嘅感覺, 而且每張枱上都有一小盛鮮花點綴, 氣氛非常好!當我哋研究緊Menu, 諗緊叫Set好還是散叫時, 服務生已走過來問我地要點d咩, 不過態度是良好的。由於2人Set的內容唔合我地心水, 所以最後決定散叫:干邑龍蝦湯 X2西班牙極黑豬扒 X1大蝦雜菌黑松露意大利飯 X1Tiramisu X1大黃金寶蘋果 X1點餐後, 好快趣就送上一份Focaccia麵包味道好清香, 啖啖都吃到香草的味道, 暖暖嘅麵包配上牛油, 好融洽。再來的是, 干邑龍蝦湯味道好濃郁, 好香, 湯入面有少量龍蝦肉粒, 好味!主菜--西班牙極黑豬扒好厚, 但好好切, 食落口好嫩滑, 而且煎得剛剛好, 一d都唔乾。好難得食到有厚
小插曲: 話說我哋book咗7:00, 但由於我哋差不多夠鍾, 但都搵唔到餐廳所在地, 所以打去Okapi, 侍應小姐好友善教我哋點行, 第一印象已加分。
到步後, 服務生安排我地坐側邊的梳化位, 位置好寬落!
餐廳內環境好歐陸風, 燈光柔和, 感覺好relax。
由於當晚係平日晚上, 客人唔算多(8成左右), 所以唔會有好焗促、嘈吵嘅感覺, 而且每張枱上都有一小盛鮮花點綴, 氣氛非常好!
當我哋研究緊Menu, 諗緊叫Set好還是散叫時, 服務生已走過來問我地要點d咩, 不過態度是良好的。由於2人Set的內容唔合我地心水, 所以最後決定散叫:
干邑龍蝦湯 X2
西班牙極黑豬扒 X1
大蝦雜菌黑松露意大利飯 X1
Tiramisu X1
大黃金寶蘋果 X1
點餐後, 好快趣就送上一份Focaccia
麵包味道好清香, 啖啖都吃到香草的味道, 暖暖嘅麵包配上牛油, 好融洽。
再來的是, 干邑龍蝦湯味道好濃郁, 好香, 湯入面有少量龍蝦肉粒, 好味!
主菜--西班牙極黑豬扒好厚, 但好好切, 食落口好嫩滑, 而且煎得剛剛好, 一d都唔乾。好難得食到有厚度而又唔粗糙的豬扒! 由於本身塊豬扒已經有調味, 所以唔需要點汁已經夠味了。 (不過美中不足係, 冷氣太大, 塊扒好快就凍, 凍咗嘅會有少少"蘇"味。)
另外, 豬扒下面放了一d芝士焗薯片, 好好味, 哩度都要讚一讚。
主菜--大蝦雜菌黑松露意大利飯大蝦, 名副其實真係幾大隻, 而且好彈牙好爽。意大利飯一入口已經有好濃郁的黑松露味, 真係好好食! 有d雜菌伴住, 一點也不膩口, 不知不覺就食哂。
甜品--Tiramisu、大黃金寶蘋果 至於甜品放面, 我同朋友都覺得下次可以唔再order, 因為真係太過甜! 尤其係大黃金寶蘋果, 我哋只吃了上面一層, 底下的已經甜到食唔落。
Other Info. :
總括來講, 哩度的環境, 氣氛, 食物都好好, 而且價錢好合理!
無論同姊妹談心, 同愛人談情都係一個好適合的地方!
(The above review is the personal opinion of a user which does not represent OpenRice's point of view.)
Post
