旺囍車仔麵 (Closed)

平時比較少食車仔麵, 因為細個有少少陰影。 今晚同朋友行開旺角就帶咗我嚟呢間食。 入到去地方都算乾淨, 裝修都有特色, 坐落又唔會好逼,真係唔差過一般餐廳。 佢叫嘢食方面都比較環保,呢度要俾個讚,用擦得甩膠版點食物,唔駛曬紙。食物選擇都幾多,仲有啲小食可以揀。 我叫咗個米線,餸方面係雞翼,生菜同肥牛,湯就揀咗腩汁。 個麵都算係彈牙,雞翼算唔錯,唔會好淡,配埋個腩汁一齊食剛好。 小食叫咗生菜魚肉湯,魚肉係自己整,唔係粉果啲。個湯淡淡地,食完唔會口渴。 同埋比我想像中大碗。大家經過都可以去食碗麵或者試下啲小食。