Appendix Coffee & Bar (Closed)

放假真係唔想再迫，想舒舒服服，openrice見到呢間餐廳環境幾靚，坐得舒服，就上咗去食啦。位置喺世貿隔離嘅一個高級商廈，樓下係一間高級嘅美容院～見salmon egg benedict 喺Openrice好多好評，就叫咗啦，賣相好好，salmon大大塊，benedict sauce溝得好，真心好食既！！！！ 仲有成半個牛油果添，都幾揼本（雖然牛油果中間有dd爛咗,但食得既，夠熟既，香港黎講，牛油果其實好難完全地冇爛好新鮮）仲有啲好特別幾好味嘅vegi ，男朋友唔食菜都覺得好食性價比高！黎呢間餐廳一定要嗌呢一個instead of pasta呀各位！但係個prawn linguine 就太細個啦... 係女仔手掌心size，但成$150hkd ，味道OK，但係唔係話好好食，都需要在加鹽加黑椒，just ok。 但如果一早知道佢細到好似俾小朋友食，咁我寧願嗌兩個egg ben， or something else 杯ice mocha 都好飲嘅，雖然朱古力味唔龍，但係咖啡都香，同有層次🙃覺得呢間餐廳係適合兩個女仔傾偈，想舒舒服服，環境乾乾淨淨，靚靚地有冷氣，員工又有禮貌☺️仲要係良心黃店！