映水芙蓉 (海運大廈) (Closed)

今日晚餐嚟呢度試吓，去到唔洗等位，入到去環境唔錯，有戶外座位(海景)，不過當日應該唔係好多人所以冇開，但係可以行出去入到去職員都幾貼心❤️問要唔要信封可以比客人放口罩👍🏻，枱面上有一支消毒噴劑供客人使用，然後有2杯welcome drink🥂(🍋味)，我哋叫咗3樣嘢，敲糖棒棒雞，串串香，酸菜魚，敲糖棒棒雞應該係主打菜式，佢上面係一個吹糖成一個透明波波裝住辣油，食嘅時候就搞破透明糖波波入面啲辣油就會滲出然後就撈埋一齊食，味道都唔錯，佢嘅辣味適中，唔會太辣蓋過其他味道，串串香造型幾特別，佢係用竹籤一串串有菇，菜，豬肚，牛柏葉各樣……分別放在2個木製器皿內，一邊係麻辣，一邊唔辣，但味道略清淡，酸菜魚不過不失，如酸味再重點會更好，最後會送2片餅乾🍪作甜點，如果慶祝或約會想找一間環境不錯嘅地方可選擇這裡。