Video
Read full review
2003-08-10
6 views
裝修唔似一般泰越式餐廳, 呢度屬於較新式一類, 環境幾好。之前嚟過呢度食晚飯, 食物味道ok, 價錢唔貴, 所以再嚟。已預早訂位(星期三), 嚟到8:30都要等15分鐘, Reception好有禮貎咁叫我地到樓上間Bar/cafe坐低飲杯野先, 有位就通知我地。坐低後, 當然點左最出名既"麵包咖喱雞", 鮮蝦柚子沙律, 仲叫左半打串燒, 炸蝦餅, 飲品叫左芝麻杧果凍飲。麵包咖喱雞好好味, 造型特別, 咖喱雞係用一個公雞型既器皿裝住, 外層包住麵包, D麵包夠軟熟, 雞塊都幾多, 汁料好夠香矛味, 麵包點汁食好正架。鮮蝦柚子沙律, 酸酸甜甜口感唔錯, 入面有鮮蝦、腰果、柚子, 但係飯焦唔夠脆。豬肉同埋牛肉串燒就燒得乾身左d, 肉質比較嚡, no good。蝦餅普普通通。芝麻杧果凍飲, 初頭以為係有芝麻味添, 原來入面既芝麻係泰國一種生果既種子(唔知名字), 唔係好夠杧果味, 仲有好多西米係杯野度, 好似食西米露, 好飽呀!最後仲叫左杧果黑糯米, 同埋炸香蕉。杧果唔夠甜, 仲有D酸, 糯米硬左D; 炸香蕉做法簡單, 無驚喜。埋單共$780(三位), 價錢ok啦, 呢區嚟講。服務態度幾好,
之前嚟過呢度食晚飯, 食物味道ok, 價錢唔貴, 所以再嚟。已預早訂位(星期三), 嚟到8:30都要等15分鐘, Reception好有禮貎咁叫我地到樓上間Bar/cafe坐低飲杯野先, 有位就通知我地。
坐低後, 當然點左最出名既"麵包咖喱雞", 鮮蝦柚子沙律, 仲叫左半打串燒, 炸蝦餅, 飲品叫左芝麻杧果凍飲。麵包咖喱雞好好味, 造型特別, 咖喱雞係用一個公雞型既器皿裝住, 外層包住麵包, D麵包夠軟熟, 雞塊都幾多, 汁料好夠香矛味, 麵包點汁食好正架。
鮮蝦柚子沙律, 酸酸甜甜口感唔錯, 入面有鮮蝦、腰果、柚子, 但係飯焦唔夠脆。豬肉同埋牛肉串燒就燒得乾身左d, 肉質比較嚡, no good。蝦餅普普通通。芝麻杧果凍飲, 初頭以為係有芝麻味添, 原來入面既芝麻係泰國一種生果既種子(唔知名字), 唔係好夠杧果味, 仲有好多西米係杯野度, 好似食西米露, 好飽呀!
最後仲叫左杧果黑糯米, 同埋炸香蕉。杧果唔夠甜, 仲有D酸, 糯米硬左D; 炸香蕉做法簡單, 無驚喜。
埋單共$780(三位), 價錢ok啦, 呢區嚟講。服務態度幾好, 當晚我地係最後一枱埋單(約11:30), 已關冷氣(可能慳電, 市道唔好, 唔怪佢), 經理同埋女待應話地面有水氣, 叫我地要小心走路!
Post