JK Kitchen (Closed)

同朋友行經銅鑼灣，想搵間舒服嘅餐廳慢慢坐。見到有間樓上越南菜，裝修到好似cafe咁，望落都唔錯，所以就入去試下！我地嗌左個茉莉奶茶(小甜)同青檸梳打，前者茉莉味好香，飲落唔太甜冇乜罪惡感xd 後者味道好fresh，用黎中和食物嘅油膩感就啱啱好。小食方面嗌左必點嘅豬頸肉同米紙卷。豬頸肉肥瘦適中，燒得好嫩滑；米紙卷口感豐富，加埋甜甜地嘅醬汁，好開胃。老闆娘炒米好有鑊氣，而且好足料，兼夾唔油！士多啤梨窩夫嘅雪糕好似係牛奶士多啤梨味，值得一試。