顏府御膳 (Closed)

今日約咗舊老闆聚一聚，佢係一個貴婦，去嘅餐廳通常都有返咁上下，加上佢又住港島區，所以我就提議去顏府御膳。入面嘅環境甚有氣派，而且比較寧靜，好適合三五知己嚟傾吓偈談吓心。枱上仲放咗佢哋嘅house wine🍷，不過老闆唔飲酒，所以我哋就冇開酒。 首先店員會奉上前菜，係我最鍾意嘅琥珀合桃，間中夾一口作為餐前小食就最適合不過。另外仲有佢哋嘅自家製XO醬，少少辣而又充滿瑤柱嘅鹹香，非常惹味。我哋首先揀咗冷盤作為頭盤，青瓜海蜇頭無論係青瓜定海蜇頭都同樣爽脆，用咗麻油同醋作調味，上面灑上芝麻就更有風味。老闆果然係一個貴婦，仲好滋陰又識養生，所以就叫咗兩客中湯。今日嘅湯係青紅蘿蔔煲豬展，味道調低啱啱好，飲得出係淆製好耐嘅老火湯味道。呢個鹽燒茄子可以話係呢度其中一款招牌菜，每條茄子切成長條形，大小適中而一致，鹽燒嘅製法令茄子外脆內軟，係我食過最好食嘅茄子製法。店員推介我哋試荷香蟲草花雲耳蒸雞，原來份量一啲都唔少，其實可以足夠四人品嚐。雞肉放喺荷葉上蒸完全吸收到荷葉嘅香味，另外仲有蟲草花、雲耳、冬菇作配菜，令口感變得更豐富。雞肉全部已去骨，真係啖啖肉又夠滑。最後仲叫咗肉絲煎兩面黃，我最欣賞佢嘅麵條非常幼