富嘉閣 (Closed)

一班朋友通常都係飲茶多！呢間酒樓係呢頭都好多年，要環境好又要坐得舒服，好自然就想過黎呢度。我覺得佢嘅點心都偏貴，款式都算多嘅，但我地明明想飲茶食下點心，點心紙都未睇，酒樓好快就過黎介紹龍蝦伊麵，不過我地都無乜興趣。只左幾個我地想食嘅點心，炒咗個楊州炒飯，同埋雞絲煎米粉。佢嘅鹹水角真係好值得推介，鹹水角外脆內軟，每人食一隻都唔夠呀！另外就想推介佢個墨魚餅，又係好好食，好彈牙！其他點心就不過不失。但個煎米粉就差啲，同幻想中完全唔一樣。非常淡！可能係少鹽少油嘅關係？不過點都好，如果淨係計食物嘅話我就覺得都ok，但計埋價錢就好似唔值