Hunky Dory

Open Now

Now Closed

星期日無地方去，就同屋企人貢左去科學園。貢完一陣就搵野食，見到Hunky Dory 都幾多人講好就去睇睇有無位，好好彩又有。 依間餐廳比我既第一個印象係環境舒適，員工細心。點解咁講，係因為餐廳出面有一塊好正既草地，仲有D 戶外桌椅可以坐。本身果日去都想坐戶外，員工即時提我今日有D 大風同好大機會會落雨，建議我坐返入面會好D。點知半個鐘後真係落雨，真係好多謝員工既細心建議。 野食方面，睇個餐單價錢都合理，野食偏英同都幾多元化。但係上到枱我會直頭話佢抵。好大份。我叫左三樣野食，愛爾蘭健力士牛肉批、精選烤拼盤同埋美味拼盤。 牛肉批個酥皮好正，放耐左少少都好脆，個牛肉都好冧。不過我真心欣賞係佢D 菇，佢應該唔係用罐頭，係用新鮮菇。味道正唔正宗答你唔到，不過好食。 美味拼盤每樣大約五件，我最欣賞係個炸豆腐，脆口得來又帶點清淡，再配返杯倫敦啤，正! 最後係精選烤拼盤，依個真心好抵，兩百幾蚊三份肉，塊牛扒大過手掌連手指，仲要唔差！另外豬肋骨同雞肉都大。雞肉平時大件會好鞋，但係今次依件幾好，唔太鞋。 整體而言我覺得依間餐廳好好，如果唔係地點問題，我諗我會經常去。