Bellevue Bar and Grill (Closed)

餐廳係大廈嘅頂樓，可以望到油麻地旺角同埋少少出邊嘅海。環境真係好唔錯，非常光猛。餐廳係一個L字型，跟住只係得出面同入面兩排，我哋坐咗靠窗嘅位，咁樣食飯真係好有feel。用OpenRice嘅人有一個特別嘅餐牌，午餐會平過唔用OpenRice嘅人。百幾二百就可以食到一餐。個意粉同沙律都非常之唔錯，甜品就個人覺得唔係太好。我哋點咗兩杯唔同嘅酒，總括而言酒精都唔係太多，大概5至10度？晏晝飲都冇乜問題。呢間餐廳得閒約下朋友或者男女朋友一齊食其實幾唔錯，幾有氣氛，又會播吓音樂咁。