Majestic Lisboa (Closed)

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯好多人諗起食葡國菜都係喺澳門，但係有冇諗過其實喺香港都可以食到正宗嘅葡國菜。今次就帶大家去上環嘅《Majestic Lisboa》。白色嘅外牆配上金邊嘅圖案做裝飾，就連座椅上面都刻劃着葡萄牙人嘅畫像，好似去咗葡萄牙一樣啊。Squid Salad 一圈圈雪白嘅魷魚圈，配搭酸酸地嘅醬汁，口感煙煙韌韌又開胃。可以配搭麵包一齊食，點一點個醬汁都好開胃呀。Grelhada Mista 金屬鐵架上面掛住牛肉、雞肉、豬肉，真係一次過可以滿足晒三個願望。我自己就最鍾意食佢嘅牛肉，外層焦香味道又夠鹹香，餸飯食就一流啊。Sardinha Assada依款就係葡萄牙傳統啫嘅沙甸魚，用咗比較細嘅沙甸魚，所以肉質會更加幼嫩，仲有魚骨都係比較細小，配搭橄欖油一齊食真係好香口。Serradura依款就係成日見到嘅木糠布丁，口感有如忌廉般嘅幼滑，配搭微酸嘅Port wine, 可以減輕甜品本身嘅甜度。如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯Majestic Lisboa