嚐館 (Closed)

疫情下放工堂食已經係一件奢侈既事，外賣日子變得恆常。集團式快餐店已經食到厭，好想揾間可以食到多元化食物既餐廳。黃大仙南館有好多餐廳選擇，經過見到一間叫 Cityfresh Bristro，望落光猛新淨，睇睇餐牌有好多款式。中式，西式，韓式，意大利等等。我同老公兩個人，柯打咗香草美國雞扒黑椒汁跟薯菜，雞肉唔錯，唔會鞋，咬落都好多汁，味道剛好。仲有叫咗椒鹽金沙骨配飯，黃金蒜香配排骨，呢個真係幾好食，食落好鬆脆，幾有鑊氣，好似啲小菜館食到嘅餸菜😯😯我鐘意食切雞，叫埋招牌霸王雞配飯，有薑葱，套餐仲有飲品配搭，算食得好滿足，因為有時試新餐廳會擔心好失望，今次評價都幾好高，下次會再嚟😋👍