犇之食堂 (Closed)

較早時候黎到銅鑼灣呢間仲係新開試業中既犇之食堂，食台灣野既，門面好靚好特別，係會吸引你行埋去，然後再行埋入去坐低。佢除左堂食仲有左手邊個度外賣台式飲料。入面既環境，甚至一枱一凳都好有特色，好似真係去左台灣咁。飲品我哋揀咗冷泡清香茉莉花茶走甜，就係一杯凍茶囉。小吃有涼拌小黃瓜，酸酸甜甜，配佢枱上面個啲酸菜食就一流喇！之後既鹽酥雞，冇驚喜冇特別，可以唔洗試。我哋仲叫咗滷水拼盤，呢個好食喎，有好多牛展，得2隻雞翼（似瑞士汁雞翼）同腐皮（我覺得應該係山根）。因為好多牛展，我哋食完呢個已經覺得有啲飽。可以一試！食物普通既台式餐廳，無驚喜，環境係好既，但就唔好抱有太大期望入去喇。