露天池畔餐廳

Open Now

Now Closed

試過灣仔Grand Hyatt 閣樓既自助餐，今次同屋企人試下11/F既露天池旁自助餐廳The Grill。星期日既夜晚六點半，入場既人唔夠一半，之後都冇坐滿，寧靜啲都好既。餐廳有啲難搵，出電梯後要行一段路到戶外，轉幾個彎先有waiter招呼，第一印象有啲扣分 :/好在環境搭救，有泳池景同暖爐，坐落唔怕凍。自助餐係燒烤為主打，另有冷盤、熱盤、甜品，每人包一個飲品。海鮮冷盤係ok既，龍蝦同青口都唔錯，螺都幾大隻，不過龍蝦鉗得第一轉有，之後只refill龍蝦。燒烤方面有廚師即場燒，前面亦放咗唔少燒咗既肉，個人認為豬頸肉同芝士腸幾好食，其餘有雞中翼、魷魚、蝦、三文魚等，亦有大件啲既羊架、牛扒，雖然味道唔差，但啲食物攤凍曬唔夠暖，要麻煩廚師煎返熱先夾走，呢方面就遜色咗啲啦另外都有脆乳豬，皮夠脆但肉偏肥。甜品唔多選擇，綠茶蛋糕（綠色嗰件）幾ok，其他普普通通。